persona.is

Andlegt heilbrigði og geðvernd

Sumir líta svo á að maður sé andlega heilbrigður, ef honum sjálfum líður vel og hann er hamingjusamur án tillits til þess hversu afbrigðileg hegðun hans er eða úr samræmi við umgengnisvenjur þess þjóðfélags sem hann lifir í. Það er nokkuð augljóst að þessi skoðun fær ekki staðist. Vellíðan eða vanlíðan getur ekki verið mælikvarði á andlega heilbrigði nema að nokkru leyti. Öllum líður einhvern tíma illa, eru kvíðnir, daprir eða óhamingjusamir. Reyndar yrði það að teljast óheilbrigt ef mönnum liði ekki illa undir vissum kringumstæðum, svo sem við meiri háttar áföll, slys eða ástvinamissi. Á hinn bóginn getur mikil vellíðan og kæti stundum verið einkenni á alvarlegum geðsjúkdómi, enda er þá vellíðanin ekki í neinu samræmi við kringumstæður.

Aðrar greinar